...då vart eg storesyster for fyrste gong! Ei herlig, lita tulle ved namn Camilla kom til familien i Einehola. Herleg er ho fortsatt, men ikkje like liten. Ho har vorte ei vaksen og herleg dame, ei veslesyster som ikkje berre er syster men også god og fortruleg ven. Camilla Jørgine, som ho no heiter (vakkert namn på ei vakker jente), er ei av dei kjæraste venninnene eg har. Ho er full av omsorg, omtanke, gode råd, ideear, venlege ord og ærlege tankar. Camilla er god! Ho gjer livet betre for dei rundt ho; både mann, familie, vener, kollegaer og andre ho treff i kvardagen.
Og i dag fyller altså denne vakre jenta 26 år! Gratulerar så mykje med dagen, heldige er dei som får feire ilag på dagen din. Vi får heller ta igjen feiringa til helga!
Veldig glad i og takknemlig for deg, Camilla!
Her er eit lite bilete frå ein stor dag i livet mitt - bryllupsdagen til Arnt-Inge og meg. Og du stilte opp som fantastisk forlovar på alle moglege måtar. Tusen takk!
